前幾日冬至做節,想食得好d,但奶奶食齋,所以特別整左依個送比佢,一d肉都無又好食,素食朋友試下整啦!
材料:
- 西蘭花.......................1個
- 薯仔...........................兩隻
- 鹽...............................少許
- 胡椒粉.......................少許
- 沙律醬或雞醬...........適量(個人應為沾沙律醬好味d)
漿粉:
- 萬用炸粉
- 水
- 麵包糠
製法:
- 西蘭花洗淨加鹽恰3分鐘去水待用。
- 薯仔去皮去芽,d芽有毒,所以一定要去淨。
- 將薯仔切粒待用。
- 煲滾水將薯仔粒加入,煮淋。
- 煮好薯仔粒去除水份,用叉把薯仔粒整成蓉。
- 再加入鹽同胡椒粉調味。
- 萬用炸粉加入水開成糊狀待用。
- 麵包糠放在碟上待用。
- 把大量油倒入煲內,用大火燒熱再轉細火,待用。
- 用手把薯蓉搓成球狀,放入炸糊內,用叉把薯球撈起放在麵包糠上。
- 薯球沾滿麵包糠再放入油炸至小小金黃色撈起。
- 所有薯球都炸過後,把所有薯球一齊再反炸,炸至金黃撈起。
- 放在格油紙上吸下多餘既油,碟上放上已恰好既西蘭花,再拌上薯球,即成。
一定要反炸,如果唔係一d都唔脆,炸既時候一定要熱油慢炸。
睇下我個大女食得幾開心^^
1 条评论:
你的女好得意啊!;-)
我依架係比利时依岛都好多番薯类的各从各样食物(snack)
都有炸番薯求 (有一种里面有cheese的)
呵呵,我好中意食番薯做的野不过不敢食多,好易肥;P
发表评论