誠意推介

今日誠意推介好朋網頁
有靚仔演員黃嘉樂既樂隨心寫
有得意有趣知識既享受人生，知足常樂！
有運程命理既一命、二運、三風水

西蘭花拌薯球

前幾日冬至做節，想食得好d，但奶奶食齋，所以特別整左依個送比佢，一d肉都無又好食，素食朋友試下整啦!

材料:

• 西蘭花.......................1個


• 薯仔...........................兩隻


• 鹽...............................少許


• 胡椒粉.......................少許


• 沙律醬或雞醬...........適量(個人應為沾沙律醬好味d)

漿粉:

• 萬用炸粉


• 水


• 麵包糠

製法:

1. 西蘭花洗淨加鹽恰3分鐘去水待用。


2. 薯仔去皮去芽，d芽有毒，所以一定要去淨。


3. 將薯仔切粒待用。


4. 煲滾水將薯仔粒加入，煮淋。


5. 煮好薯仔粒去除水份，用叉把薯仔粒整成蓉。


6. 再加入鹽同胡椒粉調味。


7. 萬用炸粉加入水開成糊狀待用。


8. 麵包糠放在碟上待用。


9. 把大量油倒入煲內，用大火燒熱再轉細火，待用。


10. 用手把薯蓉搓成球狀，放入炸糊內，用叉把薯球撈起放在麵包糠上。


11. 薯球沾滿麵包糠再放入油炸至小小金黃色撈起。


12. 所有薯球都炸過後，把所有薯球一齊再反炸，炸至金黃撈起。


13. 放在格油紙上吸下多餘既油，碟上放上已恰好既西蘭花，再拌上薯球，即成。

一定要反炸，如果唔係一d都唔脆，炸既時候一定要熱油慢炸。

睇下我個大女食得幾開心^^

蠔油冬菇燜雞翼

材料:

• 雞翼........................1磅
• 冬菇........................8粒
• 蒜頭........................3粒
• 蠔油........................2湯匙
• 水............................2碗
• 生粉........................2茶匙

醃料:

• 胡椒粉....................少許
• 酒............................少許
• 老抽........................少許
• 生抽........................少許
• 麻酒........................少許

製法:

1. 雞翼洗淨落醃料，醃30分鐘。
2. 燒熱油落蒜頭，炒香落雞翼。
3. 炒至雞翼轉左金黃色就落水再加蠔油，煮沸後轉最細既火燜。
4. 燜10分鐘後加冬菇，(因為冬菇好吸味，我唔想太濃，所以遲小小加)。
5. 燜多6-10分鐘加生粉水，邊加邊攪，個汁先會靚，收汁上碟即成。

鯪魚肉蛋卷

上次係書見到依個菜幾好又健康，所以整黎試，呀～～～～～原來好容易整啊！大家不妨試下啦！


材料：

• 蛋.........................................４隻
• 絞鯪魚肉.............................＄５（魚檔有得買）
• 芫茜.....................................３小棵
• 鹽.........................................少許
• 胡椒粉.................................少許
• 麻油.....................................少許
• 花雕酒................................３滴

製法：

1. 蛋打發加花雕酒同鹽拌勻待用。
2. 燒熱易潔鑊落油，油熱加蛋煎成pizza狀蛋餅待用。
3. 芫茜切成小粒待用。
4. 絞鯪魚肉加入胡椒粉、麻油、鹽、芫茜拌勻放在蛋餅上，好似整壽司咁卷成條狀，
   蒸8–10分鐘。
5. 蒸後取出待涼再斜切片上碟即成。

一定要涼左先好切片，如果唔係會爛哂，同斬雞一樣一定要涼左先好斬。

鮑片青瓜沙律

材料：

• 鑵頭鮑片........................３片
• 青瓜仔............................２條
• 薯仔................................１個
• 洋蔥................................１/８個
• 鹽....................................少許

製法：

1. 薯仔去皮切粒煮熟去水待用。
2. 鑵頭鮑片切條待用。
3. 青瓜仔切片待用。
4. 洋蔥切成蓉待用。
5. 將所以材料加入大碗內加鹽拌勻即成。

其實係怕鑵頭過期先會咁樣食，好似有點兒浪費啊！

沙律

材料:

• 沙律菜.........................1包
• 西瓜.............................40g
• 哈密瓜.........................40g
• 密瓜.............................40g
• 蘋果.............................40g
• 丘比沙律醬.................2湯匙

製法好簡單將所有材料洗淨生果切粒拌勻再加上丘比沙律醬即成。

平時食得太好喇!今次清下腸胃先。

梅菜豬肉餅

外間的梅菜豬肉餅係餅形，今次我都大家整一個係半球形，一定要多汁，因為食既時間d肉會吸左d水份，肉餅無水份一定唔好食，大家不妨試下啦，幾好食架。

材料：

• 半肥瘦豬肉........................$20
• 甜梅菜................................$2棵
• 水........................................大約150毫升

豬肉醃料：

• 淡醬油...............................1湯匙
• 濃醬油...............................1湯匙
• 糖.......................................2茶匙
• 古月粉...............................少許
• 油.......................................1茶匙
• 麻油...................................1茶匙
• 芡粉...................................1茶匙
• 水.......................................1湯匙

梅菜醃料：

• 麻油...................................少許
• 油.......................................少許
• 糖.......................................少許

做法:

1. 把豬肉剁成肉餅，把梅菜剁碎，分別醃上半小時。
2. 豬肉和梅菜一起拌勻，並加進大量的水。
3. 在碗子裡掃油，把肉餅弄成球形放上碟。
4. 蒸半小時以上即成。

冬菇齋鮑魚拌小唐菜

材料:

• 小唐菜.......................6棵
• 冬菇...........................10粒(細)/6粒(大)
• 齋鮑魚........................6粒
• 髮菜............................40克
• 鹽................................少許
• 蠔油............................ 2 1/2湯匙
• 水................................1/2杯

製法:

1. 冬菇洗淨浸軟去腳。
2. 小唐菜洗淨用水煮熟去水切半待用。
3. 髮菜浸軟，去水加生油洗，再過水待用。
4. 燒熱鑊落油炒香冬菇，加入水、齋鮑魚同蠔油拌勻用慢火燜大約6分鐘。
5. 加入髮菜略炒，再加生粉水拌勻，(生粉水要倒小小炒一炒，再倒小小再炒炒，如果唔係收個汁一定唔靚)。
6. 炒好後上碟，再用小唐菜拌碟即成。

髮菜一定要最後落，因為炒得太耐會碎哂好難夾。

唔要齋鮑魚可用蠔豉，不過都係要浸軟先好炒，如果唔係會好硬，可做新年菜式。

菜甫煎蛋雪菜肉絲米

菜甫煎蛋

材料:

• 蛋...................3隻
• 菜甫...............4-5條
• 鹽...................少許
• 糖...................1茶匙
• 胡椒粉...........少許
• 花雕酒...........3-4滴
• 蔥花...............少許

製法:

1. 先將菜甫浸水大約半小時，去除鹹味。
2. 切好蔥花待用。
3. 菜甫浸水後切碎近乎成蓉，加少許盬就唔會彈到四圍都係(幼d好味d)。
4. 將所有材料加入蛋拌勻待用。
5. 凍鑊落油，燒熱油再落蛋以慢火煎即成。

雪菜肉絲

材料(二人份量)

• 小肥瘦肉.................$10
• 雪茱..........................半棵
• 辣椒仔......................5條

調味料:

• 盬..............................少許
• 雞粉..........................1湯匙
• 糖..............................1茶匙

醃料:

• 生粉.........................1茶匙
• 胡椒粉.....................少許
• 麻油.........................少許
• 生抽、老抽.............少許

製法:

1. 先將雪菜洗淨，浸水半小時，洗唔淨會有沙。
2. 瘦肉切絲加入醃料待用。
3. 雪菜浸後切成小粒待用。
4. 辣椒仔切絲待用。
5. 燒熱鑊加油，加入辣椒仔炒香再加入肉絲炒至轉色再加入雪菜。
6. 加入雪菜後把雪菜炒至軟身再加入調味再拌勻既成。

椰子奶雞湯

剛剛哥哥結婚後有一對椰子，用來做左依個湯，好好味架，不過唔可以留第二日，因為d椰子味過晚之後會無哂。


材料

• 雙喜椰子汁..........................一對
• 椰肉......................................半隻(切條)
• 脫脂奶..................................1公升(唔怕肥可用全脂奶，會好味好多)
• 新鮮雞..................................半隻(要肥肥地)
• 雪茸......................................1朵
• 鹽..........................................2-3茶匙

製法

1. 先將雞洗淨待用。
2. 椰肉切條待用。
3. 雪茸浸軟切件加入煲內。
4. 雞同椰肉放入煲內，奶同椰汁加入煲內煮。
5. 2小時後再加鹽既成。

鹹魚肉餅飯

材料

• 豬紋肉...................$20
• 梅香鹹魚...............2片
• 薑絲.......................1湯匙
• 蔥花.......................少許

醃料

• 淡醬油...................少許
• 濃醬油...................少許
• 糖...........................少許
• 古月粉...................少許
• 油...........................少許
• 香油.......................少許
• 芡粉.......................少許
• 水...........................3湯匙

製法

1. 豬紋肉可自己剁，自己剁會好食d。
2. 將所有醃料加入豬紋肉拌勻，醃數分鐘。
3. 洗米，加入適量水放入電飯煲內。
4. 飯煮至半熟時把豬肉平衡放在飯面上，飯全熟時豬肉也同時間熟。
5. 米放入電飯煲煮時就要煎鹹魚，要落3湯匙油，熱油落鹹魚，細火煎至干身。
6. 飯將近熟時連鹹魚都加入在肉飯上再加薑絲。
7. 飯全熟時加入煲仔飯豉油，焗一陣既成。

瑤柱豆腐

材料:

• 滑豆腐......................1盒
• 瑤柱..........................2粒
• 新雞汁......................1滴
• 水..............................40cc
• 油..............................少許

製法:

1. 先將瑤柱凍水浸軟，用刀背拍成絲。
2. 燒熬鑊落油，把瑤柱炒香，加入水同雞汁收水(重有少少汁)待用。
3. 豆腐蒸3分鐘，再加上瑤柱同汁既成。

好味簡單又健康，想靚d加少許蔥粒，本人唔食蔥所以無加^^

結論

以下最正既菜同湯已經介紹左其餘果兩味唔講囉。

糯米雞

材料:

• 新鮮雞......................1隻(約2斤肥肥地既)
• 荷葉..........................2片
• 冬菇..........................6-8隻
• 金華火腿..................40克
• 瑤柱..........................1大粒
• 糯米..........................20克
• 粗鹽..........................2湯匙
• 花雕酒......................2湯匙
• 幼鹽..........................少許
• 老抽..........................少許

工具 : 針線

製法:

1. 雞洗淨唔要內臟，用粗鹽同花雕酒內內外外擦勻，然後用保鮮紙將雞包好，待用。
2. 同時間冬菇、瑤柱、糯米分別洗淨用凍水浸，冬菇浸軟後切絲，金華火腿又切絲，冬菇、瑤柱水不好倒掉用來少糯米飯好過用雞湯。
3. 燒熱油鑊，先爆香冬菇，洒少許花雕酒再加金華火腿、瑤柱及糯米炒，略炒。
4. 加入冬菇及瑤柱水，一路炒直至收乾水，加少許幼鹽調味，真係要少許，因為金華火腿本身鹹。
5. 再加老抽調色。
6. 糯米炒好釀入雞肚內，用針線連好。
7. 用荷葉將雞包住，上碟隔水燉2小時即成。

一定要用新鮮雞，唔好孤寒，用新鮮雞一定好食過冰鮮雞同雪藏雞。

好似好多功夫，但當你撕開隻雞時，雞汁一路流出黎，就連雞胸都有肉汁標出黎，如果你身邊既人好鍾意食雞一定會大叫。

記住雞不好斬，原隻撕才原汁原味，食完雞再食糯米飯，果d糯米飯重精彩呀，大家不妨一試。

三色蛋

材料:

• 雞蛋3隻
• 皮蛋3隻
• 鹹蛋3隻
• 麻油半湯匙
• 水3湯匙
• 長方形模
• 保鮮紙

製法:

1. 用保鮮紙放入長方形模做底，方便脫模。
2. 鹹蛋烚熟，去殼，切粒待用。
3. 皮蛋去殼，切粒待用。
4. 雞蛋預留一隻黃打成汁待用，其餘打勻待用。
5. 雞蛋液加水及麻油拌勻，再加入皮蛋及鹹蛋粒，倒入模內。
6. 水煮沸後把模放入，用細火蒸20分鐘(如用大火，蛋會有以上圖片的粒粒，因為本人無準備蛋既獨立相，所以只係網上搵)。
7. 檢查蛋是否凝固、凝固後再加上先前預留既蛋汁上面，再蒸1-2分鐘。
8. 脫模切既成。
   

冬陰巧湯

材料:

• 新鮮蝦......................半斤
• 香茅..........................3支(切段)
• 檸檬葉......................3-4片
• 南薑.........................１舊(切片)
• 青檸..........................2個(搾汁)
• 乾蔥..........................2粒(切片)
• 辣椒仔......................4條(切段)
• 魚露..........................2湯匙
• 冬陰公辣椒膏..........1湯匙
• 磨菇..........................4粒(切片)
• 椰漿..........................3湯匙

製法:

1. 首先把蝦去殼，殼不好掉。
2. 把2公升水煮沸後將蝦殼落沸水中煮至紅紅地色，將殼撈起。
3. 把香茅、檸檬葉、南薑１舊、青檸汁、乾蔥、辣椒仔一併加入蝦湯內。
4. 再煮沸後加入磨菇同蝦煮2-3分鐘。
5. 再加魚露同冬陰公辣椒膏拌勻再煮沸後加上椰漿即成。

冬陰巧湯既主要其實係魚露，我試過用冬陰巧湯做打邊爐湯底，但又唔夠材料，可加多d魚露又ok架，不妨試試。

加上麵食成冬陰巧湯麵好好味架!

請客好介紹

上次老公請朋友回家食飯，我就為佢地煮左四送一湯加涼茶加甜品，介紹一下d送先。

由左至右既湯係冬陰功湯、三色蒸蛋、糯米雞(係原隻雞，真真正正既糯米雞)、麵豉肉碎炒青豆同老少平安。

冬陰功湯 : 用新鮮蝦煮好好味。

三色蛋 : 唔肥，不過胆固醇好勁唔好成日食，又香又靚，亞女最鍾意食。

糯米雞 : 最好買$80-$90 一隻，雞一定要肥肥地同埋係新鮮既雞，如果唔係就會唔滑。

麵豉肉碎炒青豆 : 只係點綴一下，用普通麵豉。

老少平安 : 係用豆腐、蛋、鯪魚肉.......等等煎成好好咪。

涼茶 : 只係煲左一煲好普通既夏枯草。

甜品 : 維他奶布甸，清香豆奶味。

下遍先講點煮啦 bye bye

泡菜

醃漬泡菜需要1天前用鹽水醃漬過夜

鹽水醃漬材料：
　　　　　　　大白菜 1 棵 (兩磅)
　　　　　　　鹽 140 克
　　　　　　　蔥 3 棵
　　　　　　　薑絲3湯匙
蒜頭1大個

醃料：
蔥 3 棵
蒜蓉 2-3 湯匙
薑蓉 1 湯匙
麻油 1 湯匙
辣椒粉 2-3 湯匙 (隨個人口味加減)

醃菜時請緊記帶上手套 !!!


製法：
1. 大白菜切開 4 份洗淨。
2. 將其中 60 克的鹽用食用凍水溶解，調成鹽水，備用。
3. 剩下的 80克鹽，從菜芯開始直接撒在根部。
4. 然後放入鹽水浸過一晚使白菜軟身，用食既凍水沖洗兩次，擠出水份。
5. 醃料拌勻，均勻塗抹在每片白菜葉上，根部可多塗抹一點。
6. 將白菜捲成球狀，小心放入保鮮袋中，把空氣盡量壓出，綁紮好，再放入保
紙盒蓋好。
7. 放入雪柜醃漬 4-5 天後，即可食用。

將泡菜同蛋一齊炒，好好味，不用調味，一定會食多碗飯呀！

醉雞鍋

　　今日天氣好凍，婆婆提意打邊爐，我就一邊行街市一邊唸咩湯底好，我想要一個野味既湯底，後來決定醉雞湯底，好味又暖身。

材料:

• 新鮮雞脾...........3-4隻(比起買一隻新鮮雞平，又多肉)
• 紅棗...................15粒
• 杞子...................2湯匙
• 龍眼乾...............15粒
• 黨參...................4條
• 清雞湯...............1公升
• 水.......................800cc
• 花雕酒...............3湯匙
  

醃料：

• 花雕酒..............4湯匙
• 薑絲..................少許
• 生粉..................少許
• 生抽..................少許
  

製法：

1. 雞加入醃料拌勻待用。
2. 將雞湯同水加入煲內煮沸。
3. 再加入紅棗、杞子、龍眼乾、黨參用中火煮至半小時。
4. 再將雞骨肉分離，肉要食前才加入湯底煮，免得雞肉過熟唔好食。
5. 半小時後加入花雕酒同雞骨用中火煮1小時ok

產後滋補雞飯

係上星期27/10我既表妹bb出世喇!我倆個寶貝女又增添多一個小表姨，剛剛出世就做表姨囉!為怕cnady舅母係坐期間無補野食，我為佢整左雞飯，好好味架，唔一定係坐月食，冬天食都得架，食左個身會暖d。

2人份量

材料:

• 新鮮雞脾....................1隻(雞檔大約買$10)
• 紅棗............................10粒
• 杞子............................2湯匙
• 龍眼乾........................10粒
• 米................................1 1/2碗

醃料：

• 生粉.............................2茶匙
• 薑絲.............................少許
• 花雕酒..........................1湯匙
• 生抽..............................少許

製法：

1. 先將雞加入所有醃料拌勻，待用。
2. 紅棗、杞子，龍眼乾泡水待用，不好用熱水，d味會走哂。
3. 洗好米加入3碗水，蓋好用大火煮至沸，轉用中火，開蓋(不開蓋會瀉出來)。
4. 米煮至6成熟，除左雞之外所有材料加在米上。
5. 飯開始收水就加入雞，蓋好煮3分鐘後熄火，再焗2分鐘，開蓋時你會見到d雞
   汁流出黎，係食前加煲仔飯豉油，正！注意：雞最好不要焗太耐，否則雞肉唔
   滑。

魯肉飯

　　係上星期六突然好想食魯肉飯，於是上網搵左一ｄ資料就開始準備材料。

材料：

• 豬絞肉................1/2斤
• 水........................120cc
• 冬菇.....................6粒
• 蛋.........................4隻
• 蒜頭.....................5粒(切成蓉)。

醃料：

• 胡椒粉...................少許
• 生粉.......................少許
• 生抽.......................少許
• 米酒.......................少許

汁料：

• 水...........................1公升
• 花椒.......................1湯匙
• 八角.......................1湯匙
• 老抽.......................3湯匙
• 麻油.......................半湯匙
• 紅片糖...................2片
• 蒜頭.......................2粒(拍扁)

製法：

1. 準備水加入大煲內，煮沸、再加入花椒、八角、老抽、麻油、紅片糖及蒜頭用細火煮大約1小時。
2. 蛋煮熟去殼加入汁料內。
3. 將醃料加入豬絞肉內拌勻，大約10分鐘後加入120cc水拌勻。
4. 冬菇用水浸泡切片，不好用熱水，因為冬菇會波走哂。
5. 把蒜蓉用中火炒香，冬菇炒至香。
6. 加入豬絞肉炒成肉碎(要快炒、否則會一舊舊)少至熟為止。
7. 再把所以才料加入汁料中用細火煮至半小時，蛋切開與飯上碟再加時菜ok喇!